Lögregla handtók tíu manns og nú hafa fimm þeirra verið úrskurðaðir tveggja vikna í gæsluvarðhald. Þetta gerðist eftir aðgerðir lögreglunnar á höfuðborgarsvæðinu gegn skipulagðri brotastarfsemi sem ráðist var í fyrir helgina.

Þetta kemur fram í tilkynningu frá lögreglunnar á höfuðborgarsvæðinu. Þar kemur fram að lagt hafi verið hald á umtalsvert magn af marijúana, eða um fjörutíu kíló, en leitir voru framkvæmdar á allmörgum stöðum, bæði í húsum og ökutækjum. Um var að ræða aðgerðir gegn framleiðslu, sölu og dreifingu fíkniefna, auk peningaþvættis, en lögreglan tók einnig í sína vörslu ökutæki, peninga og tölvubúnað.

Fram kemur að nokkrir tugir lögreglumanna hafi tekið þátt í aðgerðunum, en lögregluembættið naut aðstoðar sérsveitar ríkislögreglustjóra og lögreglunnar á Suðurlandi. Þá er tekið fram að málið sé enn til rannsóknar.