Þyrlan kölluð til vegna manns sem slasaðist á vél­sleða

Einn karl­maður var fluttur með þyrlu Land­helgis­gæslunnar á spítala eftir að hafa slasast á vél­sleða ná­lægt Dala­kofa í Reykja­dölum að Fjalla­baki.

Í til­kynningu frá Lands­björg kemur fram að björgunar­sveitar­fólk hafi farið á vett­vang á sex bílum á­samt sjúkra­flutninga­mönnum frá HSU. Björgunar­sveitar­menn frá Hellu og Hvols­velli voru staddir í æfinga­ferð á vél­sleðum í Tind­fjöllum, þeir héldu strax af stað á slysstað.

Þeir voru komnir á vett­vang um klukku­stund eftir að út­kallið barst og hlúðu að manninum en hann hafði slasast á fæti. Eftir það var hann fluttur með þyrlu á spítala.