Þrjár líkamsárásir voru tilkynntar til lögreglunnar á höfuðborgarsvæðinu í gærkvöld og nótt. Tvær áttu sér stað við skemmtistaði og ein við verslun í austurborginni.

Þolendur hlutu andlits -og höfuðáverka og voru tveir fluttir með sjúkrabíl á bráðamóttökuna í Fossvogi, að sögn lögreglu. Gerendur voru farnir af vettvangi.

Tíu mál vegna kvartana hávaða- og ónæði komu inn á borð lögreglu.

Auk þess eru fimm grunaðir um akstur undir áhrifum áfengis eða fíkniefna.

Þá voru nokkur önnur mál vegna slagsmála og óláta en þau voru yfirstaðin er lögregla kom á staðinn og líklega verða ekki eftirmál, er segir í tilkynningu.

Tveir voru vistaðir í fangageymslu í morgun og voru 70 mál bókuð frá klukkan 17 til 05.