Jarð­skjálfta­virkni við Gríms­ey jókst í nótt og rétt fyrir klukkan þrjú varð skjálfti af stærðinni 4,3 og eftir­skjálfti af stærðinni 3,4. Jarð­skjálfta­hrina hófst um 12 kíló­metra norð­austur af Gríms­ey í gær en þá varð skjálfti af stærðini 3,7 auk minni eftir­skjálfta.

Rétt upp úr klukkan hálf fjögur í nótt urðu síðan tveir skjálftar yfir 4 að stærð með skömmu milli­bili. Mældust þeir 4,2 og 4,3 að stærð. Þeim fylgdi síðan skjálfti af stærð 3,5.

„Veður­stofunni hafa borist til­kynningar um að stærstu skjálftarnir hafi fundist víða á Norður­landi. Fjöldi minni eftir­skjálfta mælist nú á svæðinu,“ segir í til­kynningu frá náttúru­vá­r­sér­fræðingi Veður­stofu Ís­lands.

Bent er á að öflug jarð­skjálfta­hrina hafi orðið á þessum slóðum í febrúar 2018 en þá mældist stærsti skjálftinn 5,2 að stærð.

Veður­stofan bendir fólki sem býr á þekktum skjálfta­svæðum á að kynna sér varnir og við­búnað vegna jarð­skjálfta.