Þrír eru látnir og margir særðir eftir skot­á­rás í verslunar­mið­stöðinni Field's í Kaup­manna­höfn síð­degis í dag. Þá eru þrír lífs­hættu­lega sárir. Þetta kom fram á blaða­manna­fundi lög­reglunnar í Kaup­manna­höfn nú rétt fyrir klukkan ellefu í kvöld að ís­lenskum tíma.

Að sögn Sørens Thomas­sen, yfir­lög­reglu­þjóns lög­reglunnar í Kaup­manna­höfn, létust tvö ung­menni og maður á fimm­tugs­aldri í skot­á­rásinni.

Þá telur lög­regla að hinn grunaði hafi verið einn að verki og ekki átt sér neina vit­orðs­menn, en hann verður leiddur fyrir dómara í fyrra­málið, grunaður um mann­dráp.

Thomassen segir að Danir geti sofið öruggir í nótt. Lögreglan boðar nýjan blaðmannafund klukkan átta í fyrramálið að dönskum tíma eða klukkan sex að íslenskum tíma.