Þórhildur Sunna Ævarsdóttir hefur tekið við sem þingflokksformaður Pírata, en hún var kjörin á þingflokksfundi á dögunum. Þetta kemur fram í tilkynningu frá flokknum.
Hún tekur við embættinu af Halldóru Mogensen. Björn Leví Gunnarsson var við sama tilefni kjörinn varaþingflokksformaður en Gísli Rafn Ólafsson gegnir enn embætti ritara þingflokksins.
Á árunum 2017 til 2019 gegndi Þórhildur þessu sama hlutverki, en hún hefur setið á Alþingi frá árinu 2016.
