Nítján sóttu um stöðu bæjarstjóra í Hveragerði en staðan var auglýst á dögunum. Fráfarandi bæjarstjóri Hveragerðisbæjar, Aldís Hafsteinsdóttir, hefur tekið við stöðu bæjarstjóra í Hrunamannahreppi.

Greint var frá því í gær að Aldís fái 1.780.000 krónur í mánaðarlaun hjá nýju sveitarfélagi en samkvæmt ráðningarsamningi hennar við Hveragerðisbæ árið 2018 voru mánaðarlaun hennar 1.450.000 krónur.

Listi umsækjenda um bæjarstjórastöðu Hveragerðisbæjar var birtur á vef bæjarins í dag en meðal umsækjenda eru Glúmur Baldvinsson, fyrrum frambjóðandi lýðræðisflokksins en hann sótti meðal annars um stöðu bæjarstjóra í Mosfellsbæ, Vigdís Hauksdóttir, fyrrverandi þingmaður og borgarfulltrúi, og Karl Gauti Hjaltason, fyrrum þingmaður Miðflokksins en hann missti þingsæti sitt sem jöfnunarþingmaður eftir talningaklúðrið í Borgarnesi eftir síðustu Alþingiskosningar.

Eftirfarandi aðilar sóttu um stöðu bæjarstjóra í Hveragerði:

  • Ágúst Örlaugur Magnússon - Vaktstjóri
  • Geir Sveinsson - Sjálfstætt starfandi
  • Glúmur Baldvinsson - Sjálfstætt starfandi
  • Jón Aron Sigmundsson - Sjálfstætt starfandi
  • Karl Gauti Hjaltason - Fyrrverandi þingmaður
  • Karl Óttar Pétursson - Lögmaður
  • Kolbrún Hrafnkelsdóttir - Forstjóri
  • Konráð Gylfason - Framkvæmdastjóri
  • Kristinn Óðinsson - CFO
  • Lína Björg Tryggvadóttir - Skrifstofustjóri
  • Magnús Björgvin Jóhannesson - Framkvæmdastjóri
  • Matthildur Ásmundardóttir - Fyrrverandi bæjarstjóri
  • Sigurður Erlingsson - Stjórnarformaður
  • Sigurgeir Snorri Gunnarsson - Eftirlaunaþegi
  • Valdimar O. Hermannsson - Fyrrverandi sveitarstjóri
  • Vigdís Hauksdóttir - Fyrrverandi borgarfulltrúi
  • Þorsteinn Þorsteinsson - Deildarstjóri
  • Þórdís Sif Sigurðardóttir - Fyrrverandi sveitarstjóri
  • Þröstur Óskarsson - Sérfræðingur