Kristrún Frostadóttir, þingmaður Samfylkingarinnar þakkar Loga Má Einarssyni fráfarandi formanni Samfylkingarinnar, í færslu á Fésbókarsíðu sinni í dag, fyrir að vera áfram þrátt fyrir breytta forystu.

„Elsku Logi. Einstakur maður í alla staði. Takk fyrir þín störf og takk fyrir að taka svona vel á móti mér þegar ég slóst í för með ykkur í desember 2020. En mikið er ég líka ánægð að við fáum að njóta áfram krafta þinna þrátt fyrir forystubreytingar - það er svo mikilvægt, enda sterkur maður í pólitík,“ skrifar Kristrún við mynd af henni og Loga.

Logi Már Einarsson tilkynnir það í forsíðuviðtali í Fréttablaðinu í dag að hann gefi ekki kost á sér til áframhaldandi formennsku í flokknum, en landsfundur hans er í haust.

Þá er Kristrún er orðuð við formannsframboð, en ekki náðist í hana vegna málsins.

Mynd/Facebook