Samkvæmt nýlegri rannsókn evrópskra vísindamanna telja þeir að tengsl séu milli þarmaflórunnar og alzheimer sjúkdómsins.

Vísindamennirnir kynntu niðurstöður rannsóknarinnar á ráðstefnu í Bretlandi síðastliðinn miðvikudag.

Þetta kemur fram á fréttavef New York post.

Dr. Edina Silajdžić hjá Kings háskólanum í London greindi blóðsýni hjá 68 alzheimersjúklingum og bar saman við hóp heilbrigðra einstaklinga. Blóðsýnin leiddu í ljós að samsetning þarmaflóru sjúklinganna voru með hærri bólgustuðul en heilbrigði hópurinn.

Hún segir það koma mörgum á óvart að þarmaflóran geti haft áhrif á heilbrigði heilans, en fleiri og fleiri gögn benda til þess.

Möguleiki á lækningu í framtíðinni

Þá segir að fyrsta niðurstaða rannsóknarinnar sýndi að örverur í þörmum heilbrigðra einstaklinga voru ólíkir þeim sem eru með sjúkdóminn.

Önnur niðurstaða sýndi að nagdýr sem höfðu fengið saur í sig frá alzheimersjúklingum stóðu sig verr á minnisprófi en þau dýr sem hefðu ekki fengið neitt.

Að sögn vísindamanna rannsóknarinnar er nú litið á sjúkdóminn sem bólgusjúkdóm. þá sé talið að rannsóknirnar sýni skref í átt að lækningu á Alzheimer í framtíðinni.

Þá ber að athuga að rannsóknirnar eru ekki enn ritrýndar heimildir.