Erlent

Tala látinna hækkar á Filippseyjum

Tala látinna hækkar á Filippseyjum á meðan íbúar Hong Kong undirbúa sig fyrir komu óveðursins sem gekk yfir Filippseyjar í nótt og í dag.

Sjávarmál hækkaði töluvert vegna fellibylsins.

Í það minnsta fjórtán hafa látist vegna ofurfellibylsins Mangkhlut sem gengið hefur yfir norðurhluta Filippseyja. Mest er mannfallið á eyjunni Luzon.

Eignartjónið er gífurlegt, sérstaklega í borginni Tuegarao þar sem hver einasta bygging er sögð hafa orðið fyrir skemmdum. Rigning í kjölfar fellibylsins er sögð hafa orðið valdur af allt að 42 aurskriðum. 

Um það bil fjórar milljónir íbúa eru búsettir á svæðinu sem fellibylurinn gekk yfir. Samkvæmt breska ríkisútvarpinu hafa fjórtán fundist látnir, þar af tveir björgunarsveitarmenn sem létust við björgunarstörf, er þeir reyndu að bjarga fólki undan aurskriðu. Forstjóri almannavarna Filippseyja hefur sagt að tala látinna muni að öllum líkindum hækka. Yfirvöld hafa beðið íbúa um að halda sig innandyra á meðan óveðrið gengur yfir. 

Björgunarsveitir og hjálparsamtök eru nú á leið til afskekktari svæða þar sem enn er óljóst með skemmdir og mannfall.

Yfirvöld á Filippseyjum segjast hafa verið betur undirbúin fyrir fellibylin en oft áður, en fellibyljir og óveður eru nokkuð algeng á svæðinu. Flugi var aflýst og skólum lokað víða. Þá var herinn í viðbragðsstöðu. 

„Við erum virkilega hrædd,“ er haft eftir  >span class="nwe" index="3">Pasion á vef AFP. Pasion og fjölskylda hennar voru ein af þeim þúsundum íbúa sem flýðu heimili sín vegna stormsins. „Þau sögðu að  stormurinn yrðu svo kraftmikill að við vorum of hrædd til að vera heima. Í síðustu hitabeltisrigningum hefur helmingur hússins skemmst svo ég vildi taka barnabörnin í öruggt skjól.“

Vatn flæðir víða og hefur gífurleg rigning orðið valdur af yfir 40 aurskriðum. Fréttablaðið/EPA

Fellibylurinn stefnir nú óðfluga að Hong Kong og suðurhluta Kína þar sem íbúar reyna eftir besta megni að undirbúa sig fyrir komu stormsins, sem gert er ráð fyrir að skelli á Hong Kong annað kvöld. 

Íbúar í Hong Kong eru nú óðfluga að undirbúa sig fyrir væntanlegt óveður. Hér fjárfestirfólk í límrúllum á tvöfölldu verði.

Athugasemdir

Auglýsing
Auglýsing

Tengdar fréttir

Bandaríkin

Tólf ára blaða­kona lét lög­reglu­mann heyra það

Írland

Leit lokið í dag: „Mikill sam­hugur á Ír­landi“

Venesúela

Spennan magnast enn í Venesúela

Auglýsing

Nýjast

Þyrlan sótti göngu­menn upp á Tungna­fells­jökul

Fjallað um fyrir­hugaðar hval­veiðar í er­lendum miðlum

Plok­kver­tíðin að hefjast hjá Atla

Segja RÚV upp­hefja eigin verk á kostnað fag­manna

Segir það sann­gjarna kröfu að fólk geti lifað á launum sínum

Þing­kona gagn­rýnd fyrir yfir­læti í garð barna

Auglýsing