Hita­beltis­stormurinn Ana skall á suð­austur horn Afríku í vikunni og hefur haft skelfi­leg á­hrif á þrjú ríki, Madagaskar, Malaví og Mó­sambík. Minnst 77 hafa látist vegna stormsins í löndunum þremur og tugir þúsunda hafa þurft að yfir­gefa heimili.

Annar stormur virðist vera á leiðinni og löndin eru nú í óða­önn að undir­búa sig undir á­fram­haldandi ham­fara­veður.

Ungir krakkar standa í drullulögnu heimili sínu í Mósambík eftir hitabeltisstorminn Ana.
Fréttablaðið/EPA

Madagaskar til­kynnti í gær­kvöldi að tala látinna væri orðinn. Í Mó­sambík hafa á­tján and­lát verið skráð og ellefu í Malaví. Leifar af storminum hafa skolast yfir Simba­b­ve en enginn látist svo vitað sé af.

Tugir þúsunda heimila hafa verið eyði­lögð í storminum, ein­hver sem hafa fallið saman vegna mikilla rigninga. Ein­hverjir hafa jafn­vel fest inni í húsum sem hafa fallið saman.

130 þúsund hafa þurft að yfir­gefa heimili sín í Madagaskar en skólum og í­þrótta­húsum hefur verið breytt í neyðar­skýli í höfuð­borginni.

Hús í Mósambík sem gereyðilagðist í storminum.
Fréttablaðið/EPA