Systurnar Zahraa og Yasameen Hussein fóru aftur í skólann í dag en áður en þeim var vísað úr landi í fjöldabrottvísun í byrjun nóvember. Áður en þeim var vísað úr landi stunduðu þær nám í Fjölbrautaskólanum í Ármúla.
Systurnar komu, ásamt fjölskyldu sinni, aftur til landsins um helgina eftir og komst héraðsdómur að því í gær að brottvísun þeirra og allrar fjölskyldunnar hafi ekki verið lögmæt en úrskurður kærunefndar útlendingamála var felldur úr gildi og taldi héraðsdómur að fjölskyldan bæri ekki sjálf ábyrgð á þeim töfum sem voru í þeirra máli. Verði niðurstöðu héraðsdóms ekki áfrýjar þarf því Útlendingastofnun að taka mál þeirra til efnismeðferðar.
Fjölskyldan er frá Írak en brottflutningur þeirra vakti mikla athygli og reiði en bróðir þeirra, Hussein, er í hjólastól.
Spurðar hvernig það er að vera komnar aftur í skólann segja þær að gaman sé að vera komnar aftur til Íslands og skólann.
„Það er svo óvænt að vera komnar aftur og það er svo frábært.“
Systurnar segjast spenntar fyrir því að geta tekið aftur þátt í skólastarfinu á næstu önn og að fá þá að klára kúrsana sína.
Spurðar hvernig það var í Grikklandi segjast þær ekkert geta sagt nema að það hafi verið slæmt.
„Þetta var mjög slæmt, ég get ekki sagt meir. Fyrir Hussein og fyrir okkur öll,“ segja þær og að fólk á Íslandi hafi aðstoðað þau við að finna íbúð á meðan þau voru í Grikklandi.
„Við viljum þakka öllum sem hjálpuðu okkur á meðan við vorum í Grikklandi.“
Hér að neðan er hægt að sjá myndband af því þegar skólameistari skólans tók á móti systrunum í morgun. Kennslu er lokið á önninni og prófum en skólameistarinn tók á móti þeim í tilefni af endurkomu þeirra.
