Innlent

Svona gæti Hlemmur litið út

Tvær arkitektastofur báru sigur úr býtum í hugmyndaleit um endurgerð Hlemmsvæðis. Stofurnar munu vinna saman að hönnun á torginu út frá forsendum deiliskulags sem verður unnið á grunni tillagna þeirra.

Tillaga Mandaworks er sögð sannfærandi og djörf. „Hún grípur andann á Hlemmi sem nútímalegt borgarumhverfi.“

Tvær arkitektastofur hafa verið valdar til að endurgera Hlemmsvæðið í miðborg Reykjavíkur. Þær munu vinna saman að hönnun á torginu út frá forsendum deiliskipulags sem unnið verður á grunni tillagna hugmyndaleitarinnar.

Um er að ræða stofurnar Mandaworks og DLD, en sú fyrrnefnda hefur aðsetur í Svíþjóð og sú síðarnefnda á Íslandi. Matsnefndin taldi tillögur þeirra feikilega góðar og spila vel saman og taldi þær bæta hvor aðra upp. Borgin hafði efnt til hugmyndaleitarinnar með því að fá þrjár arkitektastofur til þess að spreyta sig á svæðinu og voru sem fyrr segir, umræddar tvær stofur valdar til verksins. 

„Tillaga DLD er hlý, nærgætin og umbreytir útliti svæðisins.“

Matsnefndin hafði þetta að segja um tillögu Mandaworks:

„Tillaga Mandaworks er sannfærandi og djörf. Hún grípur andann á Hlemmi sem nútímalegt borgarumhverfi. Í tillögunni er mikill leikur og sögulegar tengingar vel útfærðar með Rauðaránni sem læðist upp í gegnum gangstéttina sem gufa. Rýmismyndun er góð. Það er mikill kostur að raða hýsunum við norðurenda torgsins sem myndi styrkja götumynd Hverfisgötu. Tillagan ætti að gefa fólki ástæðu til að staldra við á svæðinu. Hún dregur líf og leik inn á svæðið sem er mjög áhugavert og þarft.“

Tillaga DLD.

Og um tillögu DLD

„Tillaga DLD er hlý, nærgætin og umbreytir útliti svæðisins. Hún er sannfærandi og lífleg og styrkir svæðið fyrir viðburði og sem stað til að staldra við eða dvelja á.“ Hins vegar skorti upp á hlýleika og hjá Mandaworks en að þar liggi styrkleiki DLD. Að sama skapi leysi DLD væntanlegar Borgarlínustöðvar á faglegan hátt. 

Stefnt er að því að nýtt deiliskipulag liggi fyrir í haust og að þá geti hönnunarvinna hafist.

Athugasemdir

Auglýsing
Auglýsing

Tengdar fréttir

Innlent

​„Eigum ekki að stilla fólki upp á móti hvert öðru“

Kjaramál

Bíl­stjórar utan stéttar­fé­laga munu aka - þvert á full­yrðingar Eflingar

Innlent

Ragnar Þór tekur við af Guðbrandi hjá LÍV

Auglýsing

Nýjast

Karadzic dæmdur í lífstíðarfangelsi

Sjöunda mis­linga­smitið stað­fest

Pókerspilarar hvattir til að vera á varðbergi

Spyr hvað ríkis­stjórnin borgar fyrir aug­lýsingar á Face­book

Ekki Astana heldur Nur­sultan

Ketó-óðir Ís­lendingar sólgnir í sviða­sultu

Auglýsing