Þór­dís Jóna Sigurðar­dóttir, fram­kvæmda­stjóri og fram­bjóðandi Við­reisnar, segir gagn­rýni Haraldar Freys Gísla­sonar, formanns Félags leikskólakennara, á sér­stakan leik­skóla fyrir Land­spítalann koma á ó­vart.

„Það kemur því á ó­vart að kennara­for­ystan setji sig upp á móti þessari hug­mynd sem felur í sér gríðar­lega aukin lífs­gæði fyrir börn og barna­fjöl­skyldur. Það eru líka hags­munir kennara­stéttarinnar að það sé aukinn fjöl­breyti­leiki þegar kemur að starfs­um­hverfi kennara. Með auknum fjöl­breyti­leika hafa kennarar meira val og það er gott,“ segir Þór­dís Jóna í aðsendri grein í Fréttablaðinu í dag þar sem hún svarar gagn­rýni Haraldar og á­réttar að þessi leik­skóli eigi ekki að vera „bara gæsla“ heldur muni þar fara fram menntun í hæsta gæða­flokki. Það verði alvöru leikskóli.

Haraldur Freyr sagði fyrir helgi að hug­myndin væri „arfa­vit­laus“ og að hún byggi á hug­mynd um að leik­skólinn eigi að vera eitt­hvað annað en það sem hann er skil­greindur til að vera, mennta­stofnun fyrir börn.

„Land­spítalinn er rekinn af ríkinu. Ef ríkið vildi vera með ein­hvers­konar helgar-, kvöld- og mögu­lega nætur­pössun fyrir sitt starfs­fólk myndi það ein­fald­lega gera það. Að sveitar­fé­lag sé að leggja það til og taka þátt í að fjár­magna er að mínu mati í meira lagi sér­stakt. Fyrir utan það að slíkt úr­ræði út frá þeim lögum sem gilda um leik­skóla væri aldrei skóli heldur eitt­hvað allt annað.“

Dvalartíminn breytist ekki, heldur tímasetning hans

Þórdís Jóna segir í grein sinni að dvalar­tími barna verður sá sami og á öðrum leik­skólum en að það eina sem breytist er hve­nær börnin eru á leik­skólanum.

„Leik­skóli Land­spítalans yrði frá­brugðinn öðrum leik­skólum að því leyti að sveigjan­leiki hans yrði meiri. Þarna væri skóli sem opnar um 7.00 á morgnana og er opinn til 19.00, alla daga. Það að leik­skóli opni að­eins fyrr og sé opinn fram að kvöld­mat koll­varpar ekki hug­myndinni um hvað leik­skóli er. For­eldrar barna sem starfa á sjúkra­húsinu munu líkt og allir for­eldrar gera miklar kröfur um gæði leik­skólans,“ segir Þór­dís Jóna.

Hún segir að sú staða sem uppi er núna, þar sem foreldra sem vinna innan spítalans, mest konur, þurfa að koma börnum í pössun utan hefðbundins vinnutíma leikskólans, sé heldur ekki börnum fyrir bestu og að með þessum nýja leikskóla væri betur hægt að koma til móts við fólk sem vinnu vaktavinnu.

„Hugmyndin er góð því slíkur leikskóli styður við stöðugleika í lífi barna. Hún er góð því svona skóli dregur úr álagi fjölskyldna sem er mikið fyrir. Líf fólks sem færir fórnir vegna vaktavinnu þarf að verða einfaldara og betra. Þannig tryggjum við gæði þjónustu á sjúkrahúsinu og drögum úr líkum á manneklu,“ segir Þórdís Jóna.