Fréttir

Sunna: „Ég er alveg að gefast upp hérna“

Sunna Elvira Þorkelsdóttir man lítið sem ekkert eftir slysinu á Spáni. Hún segist ekkert hafa vitað af meintu fíkniefnamáli en segir að þau hjónin hafi flutt út vegna fjárhagsörðugleika. Hún er ósátt við eiginmanninn en segir hann ekki ofbeldismann.

Sunna ásamt dóttur sinni á spítalanum. Mynd/Unnur Birgisdóttir

Sunna Elvira Þorkelsdóttir, sem legið hefur illa slösuð á sjúkrahúsi á Spáni undanfarinn mánuð, lýsir því í viðtali við Morgunblaðið að hún upplifi eins og henni sé haldið þar í gíslingu.

Eiginmaður hennar, Sigurður Kristinsson, var handtekinn, grunaður um aðild að slysinu, en var sleppt að loknum yfirheyrslum. Hann sætir nú gæsluvarðhaldi á Íslandi vegna gruns um aðild að stórfelldu fíkniefnasmygli. Sunna lýsir því í viðtalinu að hún hafi ekkert vitað um meinta aðild mannsins síns að því máli.

Hún talar um að aðbúnaður á spítalanum sé afar slæmur og vill komast heim. „Ég er alveg að gefast upp hérna.“ Það sé mannréttindabrot að fá ekki læknisþjónustu við hæfi. Hún segist lítið muna eftir slysinu, vegna höfuðhöggs, en hún féll úr um fjögurra metra hæð fram af svölum. Hún hafi ekki verið undir neinum áhrifum en að maðurinn hennar sé ekki ofbeldismaður.

Þau hjónin fluttu að sögn til Spánar vegna fjárhagsörðugleika. „Það voru ennþá skuldir sem hann þurfti að borga, sem er líklega ástæða þess að hann fer út í þetta,“ segir Sunna um manninn sinn. Hún er ósátt við þá stöðu sem hann hefur komið henni í.

Athugasemdir

Auglýsing
Auglýsing

Tengdar fréttir

Erlent

Stórhættulegur fellibylur stefnir hratt á Mexíkó

Erlent

Morðið bæði grimmilegt og þaulskipulagt

Erlent

Innkalla lakkrís súkkulaði

Auglýsing

Nýjast

Vilja hætta að nafn­greina saka­menn í dómum

Segir Brexit-samkomulag nánast í höfn

Senni­legt að gjald­takan hafi verið ó­lög­mæt og ó­hóf­leg

Hótar að skera niður fjár­hags­að­­stoð til þriggja ríkja

Bretar banna plaströr og eyrnapinna

Ung kona fannst látin á Akureyri: Einn handtekinn

Auglýsing