Í dag gengur á með suðvestan hvassviðri eða stormi með éljagangi, 15 til 25 metrar á sekúndu. Hvassast er norðvestan til á landinu, en úrkomulítið á austurlandi.

Hiti er um eða yfir frostmark.

Samkvæmt hugleiðingum veðurfræðings Veðurstofu Íslands er spá svipuðu veðri á morgun, en fer að lægja og draga úr ofankomu seinniparts dags.

Á föstudag er spá suðlægri eða breytilegri átt og fer víða að snjóa. Síðdegis er þá útlit fyrir rigningu og hlýnandi veður suðaustan til á landinu.

Veðurhorfur á landinu næstu daga

Á fimmtudag:

Suðvestan og vestan 15-23 m/s og él, en úrkomulítið á A-landi. Dregur úr vindi og ofankomu seinnipartinn og um kvöldið, fyrst V-lands. Víða vægt frost.

Á föstudag:

Suðlæg eða breytileg átt 5-13 og fer að snjóa, en rigning SA-til á landinu síðdegis og hlýnar þar.

Á laugardag:

Vestlæg átt og dálítil él, en léttskýjað A-lands. Frost 0 til 7 stig. Bætir í úrkomu um kvöldið.

Á sunnudag:

Breytileg átt, úrkomulítið og kalt í veðri. Dálítil snjókoma á SV- og V-landi síðdegis og síðan slydda eða rigning og hlýnar.

Á mánudag og þriðjudag:

Suðlæg átt, rigning með köflum og milt veður, en úrkomulítið N- og A-lands.