Í dag gengur í suðaustan 8 til 15 metrum á sekúndu með snjókomu eða slyddu, fyrst SV-til, en 13 til 18 metrar á sekúndu við suðurströndina. Hiti verður á bilinu 0 til 7 stig, hlýjast syðst á landinu.

Suðlægari og rigning þar upp úr hádegi, en rofar smám saman til austurlands. Gengur í norðan 5 til 13 með talsverðri slyddu eða snjókomu norðvestanlands í kvöld, en einnig dálítil snjókoma austantil í nótt og kólnar.

Í hugleiðingum veðurfræðings Veðurstofu Íslands segir að veðrið ganga í norðvestanhvassviðri með snjókomu eða slyddu suðaustan til á morgun, en hægara og dálítil él í öðrum landshlutum.

„Þá mun hvessa og snjóa á vesturlandi annað kvöld, en lægir þá jafnframt og rofar til eystra. Enn eitt úrkomusvæði fer síðan austur yfir landið á sunnudag.

Eins og heyra má þá er spáð órólegu vetrarveðri um helgina og því um að gera að fylgjast vel með veðurspám og -viðvörnum, ef við á, einkum ef menn eiga mikið undir veðri.

Frost víða 0 til 5 stig, en frostlaust með S-ströndinni.“

Veðurhorfur á landinu næstu daga

Á laugardag:

Norðvestlæg átt, 10-18 m/s og snjókoma um landið A-vert, en annars hægari og dálítil él. Vestlægari og rofar til A-lands seinnipartinn, en fer að snjóa á V-landi seint um kvöldið. Víða vægt frost, en frostlaust með S-ströndinni.

Á sunnudag:

Vestlæg átt, 8-15 m/s, él og talsvert frost, en gengur í suðvestan 13-18 m/s með snjókomu eða slyddu, en síðar rigningu og hlýnandi veðri eftir hádegi. Heldur hægara og þurrt NA-til fram á kvöld.

Á mánudag:

Suðvestan 13-18 m/s með rigningu, en þurrt að mestu um landið austanvert. Hiti 3 til 8 stig.

Á þriðjudag:

Vestlægar áttir með rigningu eða slyddu, en síðar éljum, en úrkomulítið eystra fram eftir degi. Kólnandi veður.

Á miðvikudag:

Líklega vestlæg átt með dálitlum éljum, en bjartviðri A-til. Dregur úr frosti.

Á fimmtudag:

Útlit fyrir suðlæga átt með hlýnandi veðri og vætu öðru hvoru á V-verðu landinu.