Myndirnar sýna að bíllinn fær breytingar sem eru með áherslu á akstursgetu hans. Má þar nefna vindkljúf að framan með stærri loftinntökum en áður, en þau munu sjá um að kæla þriðja mótorinn og stærri bremsur sem bíllinn mun þurfa á að halda. Að aftan er föst vindskeið og loftdreifari og mun það hjálpa með að halda bílnum á jörðinni. Einnig virðist eins og búið sé að endurhanna myndavélabúnað og radar sem gefur til kynna að bíllinn fái meiri hjálparbúnað. Ekki veitir af með þremur rafmótorum sem samtals geta jafnvel náð 1.000 hestafla markinu.