Strætó hefur á­kveðið að stytta tíma­bundið þjónustu­tíma á kvöldin á völdum leiðum innan höfuð­borgar­svæðisins en að því er kemur fram í til­kynningu frá Strætó er það vegna á­hrifa CO­VID-19 far­aldursins. Breytingin tekur gildi frá og með deginum í dag.

„Sam­komu­tak­markanir vegna kórónu­veirunnar og skert starf­semi veitinga­staða, skemmti­staða og annarra þjónustu­aðila hefur haft mikil á­hrif á far­þega­fjölda hjá Strætó seint á kvöldin,“ segir í til­kynningu um málið.

Breytingar hafa verið gerðar á leiðum 2 til 7, 15, 18, 19, og 36, þar sem síðustu ferðum hefur verið flýtt. Allar breytingar má finna á vef Strætó.