Stórhættulegur, fjórða stigs fellibylur stefnir nú óðfluga að Mexíkóströnd. Yfirvöld í Mexíkó hafa lýst yfir hæsta viðbúnaðarstigi við strandlengjuna og á þeim svæðum þar sem búist er við að Willa skelli á. 

Fellibylnum fylgir gríðarleg úrkoma og mikið rok og gæti hann valdið mikilli eyðileggingu, sem og mannfalli og mikilli eyðileggingu. Meðalvindhraði nær allt að 250 kílómetrum á klukkustund og fylgir vonskuveðrinu mikil rigning, hávaðarok og sjóflóð. 

Bandaríska fellibyljamiðstöðin, NHC, hefur varað við því að afleiðingar fellibylsins gætu verið skelfilegar, meðal annars vegna mikilla flóða og aurskriða. 

Sem fyrr segir hefur Willa náð hraða fjórða stigs fellibyl, en fimmta stigið er það hæsta. Minna en tvær vikur eru síðan fellibylurinn Mikael skall á norðvesturhluta Flórída-ríkis í Bandaríkjunum með skelfilegum afleiðingum. Íbúar á Mexíkó-strönd, sem urðu fyrir einni verstu útreiðinni vegna Mikaels, hafa lýst svæðinu sem eins og „hamfarasvæði,“ eftir fellibylinn.