Stór sprunga hefur opnast skammt frá brot­sári fram­hlaups sem féll snemma í júní úr Fagra­skógar­fjalli. Hrun varð úr toppi fram­hlaupsins þann 13. júlí og mátti sjá all­stórt stykki ó­ra­skaðra hraun­laga efst í fjallinu sem fallið hafði niður. 

Starfs­menn Land­helgis­gæslunnar voru með æfingar á svæðinu í grennd við fram­hlaupið um helgina og kom þá auga á sprunguna í innan­verðu skriðu­sárinu. Ekki er talið að spildan sem losnað hefur frá brún fjallsins muni geta borist langt niður á lág­lendi heldur muni hún lík­lega falla á fram­hlaupsurðina sem myndaðist í júlí. 

Veður­stofan í­trekar í frétta­til­kynningu um málið að fólk ætti ekki að vera í nánasta ná­grenni við skriðuna. Þar sem al­gengt sé að hreyfingar eða hrun eigi sér stað í sárum þar sem fram­hlaup eða stórar skriður hafa átt sér stað. Sér­fræðingur á skriðu­vakt Veður­stofunnar segir að við­vörunin gildi í nokkra mánuði eftir slíkar hreyfingar.