Stjórn VM, Félags vélstjóra og málmtæknimanna, harmar þær rangfærslur sem fyrrum formaður félagsins hefur að undanförnu viðhaft um starfsemi VM í fjölmiðlum.
Í yfirlýsingu frá stjórninni segir að ekki standi til að sameinast öðru félagi og að það hafi fullt sjálfræði í öllum sínum málum þrátt fyrir fyrirhugaða þátttöku í sameiginlegum hagsmunamálum iðnaðarsamfélagsins sem fyrirhugað er að verði undir merkjum 2F.
Þá segja þau telja þau ásakanir sem hafa komið fram varðandi fjármál félagsins alvarlegar og segja þær vega með grófum hætti að stjórn og starfsmönnum félagsins.
„Það skal tekið fram að ársreikningar VM hafa undanfarin ár verið endurskoðaðir af Ernst og Young án nokkurra athugasemda. Stjórn VM telur mikilvægt að komandi formannskjör snúist um málefni og stöðu félagsmanna VM,“ segir að lokum.
