Innlent

Forstjórinn boðaður til fundar vegna Bjarna Más

Boðað hefur verið til aukafundar hjá stjórn Orkuveitu Reykjavíkur vegna brottrekstrar Bjarna Más Júlíussonar sem framkvæmdastjóra Orku náttúrunnar. Bjarna Má var sagt upp á miðvikudag vegna óeðlilegrar hegðunar í garð starfsfólks.

Bjarni Bjarnason hefur vísað því á bug að hafa tekið athugasemdum Einars Bárðarsonar fálega, líkt og sá síðarnefndi fullyrðir. Bjarni hefur verið boðaður til fundar hjá stjórn OR vegna málsins. Fréttablaðið/Stefán

Boðað hefur verið til aukafundar hjá stjórn Orkuveitu Reykjavíkur vegna brottrekstrar Bjarna Más Júlíussonar sem framkvæmdastjóra Orku náttúrunnar. Bjarna Má var sagt upp störfum vegna óviðeigandi hegðunar í garð starfsfólks, og sendi fyrirtækið frá sér tilkynningu þess efnis í gær.

Bjarni Bjarnason, forstjóri Orkuveitunnar, er boðaður á fundinn. Brynhildur Davíðsdóttir, stjórnarformaður OR, segir í samtali við Vísi að málið sé tekið mjög alvarlega og þar af leiðandi hafi ákvörðun verið tekin um að boða til fundarins.

Líkt og Fréttablaðið hefur greint frá var undanfari starfsloka Bjarna Más Facebook-færsla frá Einari Bárðarsyni þar sem hann talaði um framkvæmdastjóra stórfyrirtækis sem „sendi klámfengna tölvupósta á kven-undirmenn sína á laugardagskvöldum, kalli þær járnfrúr, frekjur, pempíur, grýlur, segi að konur geti blikkað sig upp í launum og í opnu starfrými fyrir framan samstarfsfólk að ein þeirra gangi ekki út vegna þess að hún sú sé bara alls ekki nógu gröð.“

Sjá einnig: Rekinn með skömm en fær laun í sex mánuði

Síðar kom í ljós að framkvæmdastjórinn var Bjarni Már og að færslan hafði birst eftir fund Einars með forstjóra OR, Bjarna Bjarnasyni. Eiginkona Einars, Áslaug Thelma Einarsdóttir, er fyrrverandi forstöðumaður einstaklingsmarkaðs hjá ON.

Bjarni Már vildi ekki ræða við Fréttablaðið þegar eftir því ar leitað en vísaði í samtöl sín við aðra miðla. Þar sagðist hann hafa gert mistök en ekki vera „dónakall“.

Þá hefur Bjarni Bjarnason vísað því á bug að hafa tekið fálega í athugasemdir Einars Bárðarsonar um meinta hegðun Bjarna Más, líkt og Einar fullyrti á Facebook. 

Athugasemdir

Auglýsing
Auglýsing

Tengdar fréttir

Innlent

Rekinn með skömm en fær laun í sex mánuði

Fréttir

Rekinn vegna óviðeigandi hegðunar

Innlent

Upp­­lif­a fund­inn í að­­drag­and­a upp­­­sagn­ar öðr­u­­vís­i

Auglýsing

Nýjast

„Ömur­legt“ að hafa þurft að láta konuna sofa inni á baði

ESB samþykkir drög að Brexit-samningi

Vann sinn sjötta BMW á 6 árum

Yfir­maður leyni­þjónustu rúss­neska hersins látinn

Kona á tí­ræðis­aldri látin sofa á salerni með kúa­­bjöllu

Í þessum löndum er bensínið ódýrast

Auglýsing