Innlent

Stephen Hawking látinn

Breski vísindamaðurinn lést á heimili sínu í Cambridge í nótt, 76 ára að aldri.

Stephen Hawking.

Breski vísindamaðurinn Stephen Hawking er látinn, 76 ára að aldri. 

„Við erum full sorgar yfir því að faðir okkar skuli vera fallinn frá,“ segir í yfirlýsingu frá börnum hans, Lucy, Robert og Tim. Hann lést á heimili sínu í Cambridge.

Hawking fæddist 8. janúar 1942 og lét fljótt til sín taka í vísindunum. Heimurinn var honum hugleikinn og þá einkum uppruni hans. Hann lagði aðallega stund á kennilega eðlisfræði og stjörnufræði. 

Þegar hann var 21 árs greindist hann með blandaða hreyfitaugahrörnun, eða ALS-sjúkdóminn, sem ræðst á mænuna og veldur lömun. Sögðu læknar honum að hann ætti tvö ár eftir ólifuð. Árin urðu þó 55 talsins og tjáði Hawking sig að mestu í gegnum talgervil.

Eftir hann liggja fjölmörg rit, verk og kenningar á hinum ýmsu sviðum vísindanna. Þekktasta verk hans er eflaust Saga tímans, sem gefin var út árið 1988. Hefur hún selst í yfir tíu milljónum eintaka og verið þýdd yfir á hátt í fjörutíu tungumál.

Athugasemdir

Auglýsing
Auglýsing

Tengdar fréttir

Innlent

​Lokanir á Lyng­dals­heiði, Hellis­heiði og Þrengslum

Innlent

Leggja fram þriðja orku­pakkann „á ís­lenskum for­sendum“

Kjaramál

„Óbilgirnin er svakaleg“

Auglýsing

Nýjast

Starfsfólk Porsche fékk 1,3 milljónir í bónus

Élja­bakki og hvassvirði nálgast suð­vestur­hornið

Clio „Besti framleiðslubíllinn“ í Genf

​„Við lifum af einn dag“

Laun forstjórans hærri en samanlögð velta fjölmiðlanna

Volvo vanmat eftirspurn eftir tengiltvinnbílum

Auglýsing