Innlent

Stella Blómkvist seld til AMC

Þættirnir Stella Blómkvist hafa verið seldir til AMC.

Heida Reed leikur Stellu Blómkvist.

AMC hefur tryggt sér sýningarréttinn á sjónvarpsþáttaröðinni Stellu Blómkvist í Norður Ameríku. Þáttaröðin verður tekin til sýninga 31. janúar á streymisþjónustu AMC, Sundance Now sem einnig er aðgengileg á Amazon Prime. Stella Blómkvist var frumsýnd á Sjónvarpi Símans Premium árið 2017 og sló þá öll áhorfendamet á veitunni.

Þegar hafa þættirnir verið sýndir á Viaplay á öllum Norðurlöndunum og víðsvegar um Evrópu. Fyrr á árinu tryggði NBC Universal sér sýningarréttinn á þáttunum á Frakklandi og Spáni, en þar eru þættirnir fáanlegir á spænsku og frönsku.

„Þetta eru virkilega ánægjulegar fréttir, þá sérstaklega vegna þess að þetta sannar enn og aftur gæði íslensks sjónvarpsefnis og árangur þess á erlendum mörkuðum“ er haft eftir Hilmari Sigurðssyni, forstjóra Sagafilm, um þessar nýju fréttir.

Þættirnir um Stellu Blómkvist eru sex talsins og eru aðgengilegir á Sjónvarpi Símans Premium. Heida Reed fer með aðalhlutverkið, en hún er þekktust fyrir hlutverk sitt í bresku þáttunum Poldark. Sagafilm framleiðir þættina sem eru byggðir á bókunum um Stellu Blómkvist sem margir þekkja, en enginn veit hver skrifaði.

Athugasemdir

Auglýsing
Auglýsing

Tengdar fréttir

endómetríósa

„Mér fannst ég gríðar­lega mis­heppnuð“

Innlent

Þre­menningum sleppt úr haldi að lokinni skýrslu­töku

Umhverfismál

Veita frítt í strætó á næsta „gráa degi“

Auglýsing

Nýjast

Fimmtíu fastir um borð í logandi farþegaflugvél

Mætti með „heima­til­búið“ svif­ryk í pontu

Spyr ráðherra um brottvísun barna

Enginn til­kynnti beina út­sendingu af hryðju­verkunum

Mót­mæla nú fyrir framan lög­reglu­stöðina

Kærður fyrir þrjár líkamsárásir í sömu vikunni

Auglýsing