Starfsmaður á sumarhótelinu The Cliff í Neskaupsstað tók upp klámmynd ásamt maka sínum í heimavistarhúsi Verkmenntaskóla Austurlands og dreifði því á netinu. Myndbandið fór í dreifingu á vinsælli klámsíðu í lok júní og var aðgengilegt í nokkra daga áður en það var tekið niður. Þá hafði það fengið nokkur þúsund áhorf. Þetta kemur fram á Austurfrétt, fréttavef Austurlands.

Að sögn Austurfréttar byrjar myndbandið eins og náttúrulífsmynd. Þar sést í par ganga nakið um ganga skólans, áður en það heldur inn í ákveðið rými í byggingunni þar sem „leikar taka að æsast.“

Þetta er þó ekki fyrsta klámmynd parsins en að þau ferðast víst um heiminn og taka upp ástarleiki sína á myndband og dreifa því svo á netinu.

Heimavistarhúsið er rekið sem hótel á sumrin á vegum Hótel Hildibrand. Hákon Guðröðarson, hótelstjóri, ræddi við Austurfrétt og sagði að um leið og vitneskja hafi borist um myndbandið hafi stjórnendur hótelsins rekið starfsmanninn og beðið hann um að fjarlægja myndbandið af netinu.