Fyrr í vikunni staðfesti Alþjóðaveðurfræðistofnunin, WMO, að hitametið á Norðurheimskautsbaugnum hefði fallið síðasta sumar þegar 38 gráðu hiti mældist í Verkhoyansk í Rússlandi.

Alþjóðaveðurfræðistofnunin er um leið með það til skoðunar hvort að hitametið í Evrópu hafi fallið á Ítalíu í sumar og hitametið á heimsvísu í Dauðadal í Bandaríkjunum.

Veðurstofnun Sameinuðu Þjóðanna segir þetta til marks um áhrif hnatthlýnunar.

Verkhoyansk er rúmlega hundrað kílómetrum norðar en Norðurheimskautsbaugurinn og gekk hitabylgja yfir svæðið fyrr á þessu ári.

Meðalhitastigið var tíu stigum hærra en vanalega á þessu ári og leiddi hitabylgjan meðal annars til skógarelda á svæðinu.

Með þessu á Verkhoyansk nú metið yfir bæði hæsta hitastig sem mælst hefur og kaldasta hitastigið á Norðurheimskautsbaugnum