Á fundi stjórnar Samtaka Sveitarfélaga á höfuðborgarsvæðinu (SSH) í gær ákvað stjórn að leggja til við aðildarsveitarfélögin samræmdar tillögur er varða fyrirkomulag afslátta af þjónustugjöldum leik-, grunnskóla og frístundaheimila er koma til vegna Covid-19 veiru faraldsins. Þetta kemur fram í fréttatilkynningu frá stjórnar SSH.

„Í þeim tilvikum sem þjónusta leik- og grunnskóla fellur niður eða skerðist vegna verkfalls, samkomubanns, veikinda eða sóttkvíar starfsmanna eða af öðrum sambærilegum ástæðum verða gjöld fyrir viðkomandi þjónustu leiðrétt í samræmi við hlutfall skerðingarinnar. Þá verður í þeim tilvikum sem börn geta ekki nýtt sér þjónustu vegna sóttkvíar eða veikinda verða gjöld leiðrétt hlutfallslega,“ segir þar enn fremur.

Ef foreldrar kjósa að nýta sér ekki þjónustu, til að mynda með vísan til tilmæla yfirvalda um að foreldrar og forráðamenn haldi börnum sínum heima ef kostur er á hið sama við. Samkvæmt stjórninni er ákvörðunin tímabundin og gildir til loka maí en gæti orðið endurskoðuð með tilliti til aðstæðna