Um klukkan hálf tólf í morgun bárust ábendingar um að sprunga sem myndaðist vegna stóru skriðunnar sem féll þann 18. desember á Seyðisfirði hafi hugsanlega gliðnað.

Vinnusvæði þar fyrir neðan var í kjölfarið rýmt og því lokað. Þetta kemur fram í tilkynningu frá lögreglunni á Austurlandi.

Samkvæmt gögnum Veðurstofu er þó ekki að sjá hreyfingu á svæðinu en það er til frekari skoðunar og starfsmenn Veðurstofu eru á vettvangi. Vonir standa til að niðurstöður liggi fyrir fljótlega en allar ábendingar af þessum toga eru teknar alvarlega.