Innlent

Vara við suð­austan­hríð og stormi á morgun

Von er á suðaustanstormi á Suðurlandi. Mikil hálka og takmarkað skyggni á Hellisheiði á morgun.

Hvasst verður undir Eyjafjöllum á morgun og stormur á Reykjanesbraut. Snjókoma eða skafrenningur á Hellisheiði með takmörkuðu skyggni.

Veðurstofa hefur gefið út gula viðvörun fyrir Suðurland, Faxaflóa og Breiðafjörð frá og með hádegi á morgun fram til miðnættis.

Von er á suðaustanstormi eða roki á Suðurlandi, þar sem vindur getur farið í 18-25 m/s, hvassast undir Eyjafjöllum með vindhviðum allt að 45 m/s. 

Þar er varasamt fyrir ökutæki sem viðkvæm eru fyrir vindi. Þá er einnig spáð suðaustanhríðarveðri á Suðurlandi, með suðaustan 18-23 m/s og snjókomu eða skafrenning á Hellisheiði og í Þrengslum með mjög takmörkuðu skyggi. Mikil hálka á vegum og vegfarendur hvattir til að fara varlega.

Í Faxaflóa er spáð suðaustanstormi eða roki, 18-25 m/s, hvassast á Kjalarnesi, við Hafrarfjall með vindhviður allt að 45 m/s. Einnig stormur á Reykjanesbraut. Varasamt ökutækjum sem viðkvæm eru fyrir vindi.

Í Breiðafirði er spáð austanhríðarveðri, 15-23 m/s, snjókoma eða skafrenningur og lítið skyggni. Varasamt ferðaveður, að því sem fram kemur á vef Veðurstofunnar.

Gul viðvörun hefur verið gefin út á morgun. Mynd/Skjáskot

Viðvörunarkerfi Veðurstofunnar er í fjórum litum og ákvarðast viðvörunarliturinn af mati sérfræðinga á áhrifum væntanlegs veðurs og líkum á því að spáin gangi eftir. Er gul viðvörun hefur verið gefin út getur veðrið haft nokkur eða staðbundin áhrif og valdið töfum, slysum eða tjóni ef aðgát er ekki höfð. Slík veður eru ekki óalgeng en krefjast árvekni við skipulagning atburða og í ferðum milli landshluta. 

Athugasemdir

Auglýsing
Auglýsing

Tengdar fréttir

Innlent

„Hverfandi líkur“ á því að sjá til al­myrkvans í nótt

Innlent

Hellisheiði opin en Kjalarnes enn lokað

Innlent

Fjórir á slysa­deild með minni­háttar á­verka

Auglýsing

Nýjast

Lokað um Hellis­heiði, Þrengsli og Kjalar­nes

Tvær rútur út af á Kjalarnesi

Ekið aftan á lögreglubifreið á vettvangi slyss

Segir Pelosi að fara varlega

Elsti maður heims látinn 113 ára

Blönduðu kanna­bis­olíu við veip­vökva

Auglýsing