Lægð frá Grænlandshafi er nú á austurleið yfir landið. Mun því vindur blása úr ýmsum áttum og nokkrar úrkomutegundir koma til greina í dag og á morgun. 

Suðlæg átt í fyrstu og úrkoma um vestanvert landið, einnig nyrst á landinu. Rigning eða súld suðvestantil snjókoma en snjókoma á Vestfjörðum og nyrst og hlýnar þar smámn saman með deiginum og skiptir því yfir í slyddu eða rigninu. Vestlægari vindur í kvöld og skúrir vestanlands en slydda eða rigning austantil.  

„Snýst svo í norðlæga átt í nótt og kólnar í veðri með éljum eða snjókomu, en drag myndast og vindur verður vestlægari sunnantil með slyddu eða rigninu. Ætli það sé ekki jafn lýsandi að taka þetta saman og segja bara rigning eða snjókoma með köflum,“ að því sem fram kemur í hugleiðingum veðurfræðings Veðurstofunnar.

Á sunnudag:
Norðlæg átt 8-15 m/s NA-til í fyrstu og él, annars hægari breytileg átt og skýjað með köflum. Frost 2 til 12 stig, kaldast í innsveitum fyrir norðan. 

Á mánudag:
Gengur í hvassa suðaustanátt með snjókomu á köflum um land allt, en slydda eða rigning S-lands seinni partinn. Bætir í vind á Vestfjörðum um kvöldið. Frost 0 til 6 stig, en 0 til 4 stiga hiti við S-ströndina. 

Á þriðjudag:
Hægt minnkandi norðaustlæg átt og él um norðanvert landið, en austlægari S-til og víða snjókoma eða slydda. Kólnandi veður. 

Á miðvikudag:
Norðlæg átt og stöku él NA-lands og allra syðst, annars bjart með köflum. Herðir á frosti. 

Á fimmtudag:
Útlit fyrir suðaustlæga átt með snjókomu og síðar rigningu S-til, en þurrt annarstaðar. Hlýnar í veðri.