Stjórnstöð Landhelgisgæslunnar barst um hádegisbilið í dag beiðni um aðstoð frá línuskipi sem statt var 57 sjómílur aust-suðaustur af Langanesi um vegna veiks skipverja um borð. 

Eftir samráð við þyrlulækni var talið nauðsynlegt að sækja skipverjann og lagði TF-GNA, þyrla Landhelgisgæslunnar, af stað frá Reykjavík klukkan 12:47, að því sem fram kemur í fréttapósti frá Landhelgisgæslunni. 

Eftir tveggja tíma flug hafði þyrlan viðkomu á Egilsstöðum til að taka eldsneyti áður en leið hennar lá inn á Héraðsflóadjúp. Á meðan sigldi línuskipið nær landi til móts við þyrluna og klukkan 15:30 var skipverjinn hífður um borð í TF-GNA. Þaðan tók við hálftíma flug á Egilsstaði og þar beið sjúkraflugvél Mýflugs sem flutti sjúklinginn til Reykjavíkur.