„Í dag má búast við norðvestlægri átt, á bilinu 3 til 8 metrar á sekúndu. Svo virðist sem sólin ætli að skína áfram glatt á stóran hluta landsins," seg­ir í hug­leiðing­um veður­fræðings á Veður­stofu Íslands um veðrið í dag.

Hitinn verður áþekkur því sem hann var í gær, nokkuð víða 13 til 18 stig yfir daginn, en svalara við norðurströndina.

Stöku síðdegisskúrir munu láta á sér kræla á sunnanverðu landinu ef að líkum lætur, en að öðru leyti er ekki búist við úrkomu.

Spáin fyrir morgundaginn er svipuð og spáin í dag.

Norðvestlæg átt en ákveðnari vindur, á bilinu 5 til 10 metrar á sekúndu.

Þokkalega bjart verður á landinu en þó má búast við heldur fleiri skýjum á lofti en í dag.

Áfram líkur á stöku síðdegisskúrum á sunnanverðu landinu og hámarkshiti dagsins verður í kringum 18 stig.

Veðurhorfur á landinu næstu daga

Á fimmtudag:
Norðvestan 5 til 10 metrar á sekúndu og bjartviðri sunnan- og vestanlands, en 8-13 metrar á sekúndu og dálítil rigning um landið norðaustanvert. Hiti frá 7 stigum norðaustanlands, upp í 18 stig á Suðausturlandi.

Á föstudag:
Vestlæg átt 3-10 metrar á sekúndu og skýjað vestanlands, en léttir til um landið austanvert síðdegis. Hiti 10 til 17 stig, hlýjast á Suðausturlandi.

Á laugardag:
Suðvestan 5-10 metrar á sekúndu og súld eða dálítil rigning á Suður- og Vesturlandi, en bjart norðaustan- og austanlands. Hiti 10 til 19 stig, hlýjast á Austurlandi.

Á sunnudag og mánudag:
Suðlæg eða breytileg átt. Skýjað og lítilsháttar væta sunnan heiða, en bjart með köflum á Norður- og Austurlandi með stöku skúrum síðdegis. Hiti 11 til 18 stig, hlýjast fyrir norðan og austan.