Sökuð um að deila nektar­myndum af dóttur sinni

Kel­ly­anne Conway, sem var einn helsti ráð­gjafi Donalds Trump meðan hann var for­seti, hefur verið sökuð um að deila nektar­myndum af sex­tán ára dóttur sinni, Claudia, en sam­band þeirra hefur verið veru­lega stirt frá því að Kel­ly­anne hóf störf fyrir Trump.

Að því er kemur fram í frétt Varie­ty um málið átti Kel­ly­anne að hafa deilt myndinni á Twitter í gær en hún notaði nýja við­bót miðilsins, Fleet, sem eyðir færslum eftir sólar­hring. Þrátt fyrir að færslunni var fljót­lega eytt náðu net­verjar skjá­skotum sem síðan hafa farið í mikla dreifingu.

Hafi ætlað að nota myndina gegn henni

Claudia tjáði sig um málið á TikTok í gær þar sem hún stað­festi að myndin, sem sýnir hana ber­brjósta, hafi í raun verið af henni og velti fyrir sér hvort móðir hennar hafi ó­vart deilt henni. Hún eyddi mynd­böndunum skömmu síðar en net­verjar höfðu þegar náð af­riti af þeim.

„Ég geri ráð fyrir að mamma mín hafi tekið myndina til að nota gegn mér einn daginn og síðan hafi ein­hver hakkað hana eða eitt­hvað,“ sagði Claudia í einu mynd­bandi og hvatti fólk til að til­kynna myndina.

Sakar móður sína um ofbeldi

Claudia Conway hefur náð miklu fylgi á sam­fé­lags­miðlum þar sem hún hefur í­trekað talað gegn Trump og móður sinni en Kel­ly­anne yfir­gaf Hvíta húsið í ágúst 2020 til þess að ein­beita sér að fjöl­skyldunni.

Sam­band þeirra hefur þó ekki batnað en Claudia sakaði móður sína um and­legt og líkam­legt of­beldi í síðustu viku. „Kel­ly­anne, þú ert að fara í fokking fangelsi,“ sagði Claudia í einu mynd­bandi sem hún birti í gær.

Tals­maður Twitter sagði í sam­tali við Varie­ty að málið sé nú til rann­sóknar en ekki náðist í Kel­ly­anne vegna málsins.

Í myndbandi sem Claudia birti í dag á TikTok er hún rólegri og virðist bakka með ásakanirnar í garð Kellyanne. Hún segist ekki trúa því að móðir hennar hafi deilt myndinni viljandi og að hún elski hana. Þá muni hún taka sér hlé frá samfélagsmiðlum vegna málsins.