Veðurstofan spáir hægum vindi á landinu í dag og víða þurrt, en sums staðar snjómugga suðaustanlands. Á morgun nálgast lægð úr suðri, henni fylgir ákveðin norðaustanátt með dálítilli snjókomu eða éljum á Austurlandi, en bjartviðri vestanlands. Frost yfirleitt 0 til 5 stig.

„Á þriðjudag er útlit fyrir norðanátt með éljum fyrir norðan og austan, en vaxandi sunnanátt seint á miðvikudag og rigningu eða slyddu vestan til á landinu um kvöldið," segir í hugleiðingum veðurfræðings.

Veðurhorfur á landinu næstu daga

Á miðvikudag:
Vestlæg átt, bjart með köflum og frost 2 til 10 stig. Vaxandi suðaustanátt og fer að snjóa vestan til seinni partinn, hvassviðri með slyddu og síðar rigningu þar um kvöldið.

Á fimmtudag:
Sunnanátt og rigning eða slydda, en úrkomulítið norðaustanlands. Hiti 2 til 7 stig.

Á föstudag og laugardag:
Útlit fyrir sunnan- eða suðvestanátt með skúrum eða éljum sunnan- og vestantil á landinu. Hiti nálægt frostmarki.