Spáð er austlægri átt 8 til 15 metrum á sekúndu og snjókoma eða rigning með köflum, en úrkomulítið um landið norðvestanvert. Norðaustan 5-10 í kvöld og dálítil él, en yfirleitt þurrt vestan til á landinu. Hiti um og undir frostmarki.

Það mun létta til sunnanlands í nótt, yfirleitt bjartviðri á morgun. Lægir og styttir upp á Norðurlandi síðdegis og herðir á frosti. Vaxandi suðaustanátt og hlýnar suðvestan til annað kvöld.

Þá segir í hugleiðingum veðurfræðings Veðurstofu Íslands að búast megi við suðaustan og austan hvassvirðri með rigningu í flestum landshlutum á laugardag.

Veðurhorfur á landinu næstu daga

Á föstudag:

Norðaustan átt, víða 5-10 m/s. Dálitlar skúrir eða slydduél norðan- og austanlands með hita 0 til 4 stig. Þurrt og bjart að mestu um landið sunnanvert og vægt frost. Vaxandi suðaustanátt og hlýnar vestantil um kvöldið.

Á laugardag:

Suðaustan og austan 15-23 m/s og rigning eða slydda. Talsverð úrkoma suðaustantil, en úrkomulítið á Norðurlandi. Heldur hægari suðlæg átt um kvöldið. Hiti 1 til 6 stig.

Á sunnudag:

Suðvestan 10-18 m/s, hvassast austantil. Víða skúrir, en þurrt um landið norðaustanvert. Hiti 0 til 5 stig.

Á mánudag:

Suðlæg átt yfirleitt 5-10 m/s. Skúrir og hiti 0 til 5 stig, en þurrt norðaustan- og austanlands og vægt frost þar.

Á þriðjudag:

Austlæg átt með rigningu, en snýst svo í suðvestanátt með skúrum. Hiti um og yfir frostmarki.

Á miðvikudag:

Útlit fyrir suðlæga eða bretyilega átt. Rigning með köflum um sunnanvert landið og dálítil snjókoma norðvestantil, annars þurrt. Hiti kringum frostmark.