Óskað var eftir aðstoð björgunarsveita í Árnessýslu klukkan hálf fjögur í dag.

Tilkynning kom frá konu sem slasaðist á fæti í Reykjadal um tvo kílómetra frá bílastæðinu.

Björgunarsveitarfólk ásamt sjúkraflutningamönnum komu á vettvang rúmum hálftíma síðar á sexhjólum og eru að hlúa að konunni.

Flytja þarf hana á sexhjólum niður dalinn að sjúkrabíl. Grunur leikur á því að hún sé öklabrotin.