Slökkviliðinu á höfuðborgarsvæðinu barst ábending um upptöku á erótísku efni sem fram fór í sjúkrabifreið hérlendis. Slökkviliðið segist líta málið alvarlegum augum og að rannsókn á málinu hafi verið sett í gang.

Það er DV sem greindi fyrst frá en Ásdís Gíslason, upplýsingafulltrúi slökkviliðsins á Höfuðborgarsvæðinu segir að ábending hafi borist um málið inn á borð byggðarsamlagsins og að málið hafi verið rannsakað innanhús umsvifalaust.

Samkvæmt heimildur DV sýnir myndbandið íslenska konu í hlutverki sjúklings og karlmann í hlutverki sjúkraflutningamanns.

Bíllinn ekki í eigu SHS

Eftir að myndbandið hafi verið rannsakað innanhús hjá SHS hafi komið fram að ekki færi á milli mála að um sjúkrabifreið væri að ræða en að ekkert benti til þess að bifreiðin væri í eigu eða rekstri hjá Slökkviðliði höfuðborgarsvæðisins.

Myndbandið hafið því annaðhvort verið tekið upp í sjúkrabíl sem staðsettur er á landsbyggðinni eða mögulega í bíl sem SHS hefði selt frá sér.

Aðilinn sem sendi inn ábendinguna sagði að sér hefði misboðið það að sjúkrabifreið hafi verið nýtt sem tökustaður fyrir erótískt efni og þá einnig ef sjúkraflutningamenn hefðu mögulega verið þátttakendur í slíku.

„Get ég átt von á því að ef ég þarf sjúkrabíl að nýbúið sé að stunda kynlíf í honum?“ var haft eftir aðilanum í samtali við DV.