Skot­á­rás var gerð á höfuð­­stöðvar Sjálf­­stæðis­­flokksins í Val­höll á Háa­leitis­braut 1 í Reykja­vík fyrir skömmu og virðist sem svo að skotið hafi verið á rúður á hús­­næðinu. Þórður Þórarinsson fram­­kvæmda­­stjóri Sjálf­­stæðis­­flokksins segir árásina ekki hafa verið gerða í nótt en vildi ekki gefa upp hvenær hún átti sér stað. Öryggigæsla við Valhöll hafi verið efld eftir árásina.

Í gærkvöldi eða nótt var skotið á rúður skrifstofu Samfylkingarinnar í Sóltúni 26 í Reykjavík og fer tæknideild lögreglunnar nú með rannsókn málsins að sögn Hrafns Hilmars Guðmundssonar, aðal­­varð­­stjóri hjá lög­­regluna á höfuð­­borgar­­svæðinu. Hann vildi ekki tjá sig um málið í Valhöll er Frétta­blaðið ræddi við hann og sagði að tilkynningar væri að vænta síðar í dag

Fréttablaðið/Anton Brink
Fréttablaðið/Anton Brink

Upp­­­fært kl. 13:05

Sam­­kvæmt Björgu Evu Er­­lends­dóttur, fram­­kvæmda­­stjóra Vinstri grænna, og Helga Hauki Hauks­­syni, fram­­kvæmda­­stjóra Fram­­sóknar, hafa engin skemmda­­verk verið unnin á hús­­næði flokkanna.

Upp­fært kl. 13:15

Í upp­haf­legu fréttinu kom fram að skotið hefði verið á hús­næði Sjálf­stæðis­flokksins í nótt og hún upp­færð með svari Þórðar Þórarins­sonar, fram­kvæmda­stjóra Sjálf­stæðis­flokksins en sam­kvæmt honum var ekki skotið á húsið nótt heldur var skot­á­rásin gerð fyrir nokkru síðan.