Skjálfti um 3,4 að stærð fannst í Reykjavík

Skjálfti fannst víða á Reykjanesinu og á höfuðborgarsvæðinu um klukkan hálf eitt í dag. Óyfirfarnar frumniðurstöður á vefsíðu Veðurstofu Íslands segir að skjálftinn hafi verið um 3,4 að stærð og hafi upptök skjálftans verið í kringum Fagradalsfjall þar sem jarðskjálftahrina hefur verið í gangi í nokkra daga.

Vakthafandi jarðfræðingur á Veðurstofu Íslands segir í samtali við Fréttablaðið að skjálftinn hafi verið um þrír að stærð. Dregið hefur úr skjálftahrinunni í dag en þó hafa um 1400 skjálftar mælst við gosstöðvarnar síðastliðinn sólarhring.

Vísindaráð Almannavarna mun funda klukkan hálf þrjú í dag með náttúruvásérfræðingum Veðurstofunnar til að fara yfir stöðuna á Reykjanesinu.

Eldgos gæti hafist með litlum fyrirvara

Al­manna­varnir og lög­reglu­stjórinn á Suður­nesjum ákváðu að virkja sms-skila­boð sem verða send til fólks sem fer inn á fyrir­fram skil­greint svæði vegna jarð­skjálftanna við Fagra­dals­fjall.

Er þetta gert því eld­gos gæti hafist með litlum fyrir­vara. Komi til eld­goss verður texta­skila­boðum breytt í beina að­vörun til þeirra sem eru á um­ræddu svæði.