Nú rétt rúmlega 11 í kvöld eða kl 23:05 varð skjálfti af stærðinni 4.1 um 3 kílómetra Norðaustur af Þorbirni. Þetta kemur fram í tilkynningu frá Veðurstofunni.

Þetta er stærsti skjálfti sem mælst hefur á Reykjanesskaga síðan 15. mars eða frá því áður en gos hófst.

„Tilkynningar hafa borist Veðurstofunni að hann hafi fundist víða á Suðvestur- ,Suður- og Vesturlandi eða allt austur á Hellu og norður í Grundarfjörð," segir í tilkynningunni. Nokkrir eftirskjálftar hafa fylgt í kjölfarið.

Fréttin hefur verið uppfærð.