Nýbakaðir foreldrar í Sviss samþykktu að skíra barn sitt í höfuðið á fjarskiptafyrirtækinu Twifia í skiptum fyrir frítt internet næstu átján árin.

Fréttaveitan Blïck greinir frá þessu og ræðir við foreldrana á heimasíðu sinni.

Twifia hefur boðið foreldrum frítt internet í átján ár gegn því að skýra barnið í höfuðið á fyrirtækinu. Twifius ef það yrði strákur og Twifia ef það yrði stelpa.

Fjölskyldan kemur ekki fram undir nafni en stúlkubarnið er með Twifia sem þriðja nafn.

Að sögn foreldranna mun þetta spara þeim sextíu svissneska franka á mánuði sem er rétt rúmlega níu þúsund krónur.

Þau séu búin að ákveða að leggja þá upphæð til hliðar og leyfa Twifiu að nota peninginn þegar hún verður átján ára gömul.