Skipverjarnir 25 á Júlíusi Geirmundssyni Ís 270 munu í dag yfirgefa togarann sem liggur við bryggju á Ísafirði. Umdæmislæknir sóttvarna hefur gefið leyfi fyrir þessu með skilyrðum. Þetta kemur fram í tilkynningu frá Heilbrigðisstofnun Vestfjarða.


Meirihluti áhafnar frystiskipsins greindist með Covid-19 á mánudag. Niðurstöður annarrar sýnatöku bárust í hádeginu í gær.

Níu skipverjar hafa nú jafnað sig á veikindunum, eru með mótefni og því frjálsir ferða sinna. Þrettán eru smitaðir og þurfa að vera í einangrun áfram. Þrír eru hvorki smitaðir né með mótefni og þurfa því að sæta sóttkví.

Af þessum fara fimm í farsóttarhús í nágrenni Ísafjarðar sem sett verður upp af þessu tilefni. Aðrir fara til síns heima eða í íbúðir á eigin vegum víða um land. Einn verður eftir um borð í skipinu.

Vettvangsstjórn og aðgerðastjórn hefur verið virkjuð við uppsetningu farsóttahússins, flutning á fólki og annað sem tengist málinu.

Samráð hefur verið haft við sóttvarnalækni, Sjúkratryggingar Íslands, Rauða kross Íslands og fleiri.

Skipverjarnir fara frá borði í dag Skipverjarnir 25 á Júlíusi Geirmundssyni munu í dag yfirgefa togarann sem liggur við...

Posted by Heilbrigðisstofnun Vestfjarða on Wednesday, 21 October 2020