Innlent

Skipu­lögð inn­brot er­lendra hópa í borginni

Þrjú innbrot hafa verið fram síðustu tvær vikurnar á höfuðborgarsvæðinu. Lögregla telur að um skipulagða brotastarfsemi sé að ræða og hvetur fólk til að vera á varðbergi.

Íbúi kom að þjófi í morgun á heimili sínu. Þjófurinn flúðu vettvang. Fréttablaðið/Getty

Síðustu tvær vikurnar hefur verið brotist inn á þrjú heimili á höfuðborgarsvæðinu þar sem farið var inn um glugga í eða við svefnherbergi, leitað að skartgripum eða reiðufé og síðan vettvangur yfirgefinn. Lögregla telur líklegt að um skipulagða brotastarfsemi sé að ræða og hvetur fólk til að vera á varðbergi og láta vita af grunsamlegum mannaferðum.

Brotist var inn á eitt heimili í Mosfellsbæ og tvö í Grafarvogi. Þriðja innbrotið var framið í morgun. Þá kom íbúi að innbrotsþjófnum, sem þá forðaði sér. Að sögn lögreglu gat íbúi ekki greint frá útliti þjófsins þar sem illa sást til hans. Engin lýsing er því til á þjófnum.

Erlendir brotahópar á bak við innbrotin

Fram kemur í tilkynningu frá lögreglunni að aðferð innbrotsþjófanna svipi mjög til þeirra sem erlendir brotahópar hafi haft hér á landi. Hóparnir komi til landsins gagngert til að brjótast inn á þessum árstíma. Þeir fari helst inn í einbýlishús sem eru á jaðarsvæðum, hús sem staðsett eru við göngustíga þar sem ekki sést inn úr öðrum húsum.

Innbrotsþjófarnir eru yfirleitt karlmenn og eru oftast tveir saman á ferð. Þeir fremja brot sín á virkum dögum að sögn lögreglu, þegar líklegt er að enginn sé heima.

Þeir eru yfirleitt fótgangandi, hafi með sér litla tösku eða bakpoka og noti jafnvel almenningssamgöngur til að koma sér af vettvangi, frekar en einkabíla.

Lögregla biður íbúa á höfuðborgarsvæðinu að vera vel á verði af þessu tilefni, gæta að verðmætum, læsa vel húsum sínum og láta vita um grunsamlegar mannaferðir í síma 112.  

Athugasemdir

Auglýsing
Auglýsing

Tengdar fréttir

Innlent

Gul stormviðvörun á morgun

Innlent

Lægri fast­eigna­skattur og hærri syst­kina­af­sláttur

Innlent

Vegagerðin vill Þ-H þrátt fyrir nýja greiningu

Auglýsing

Nýjast

Varð fyrir 500 kílóa stálbita

„Hefði orðið upplausn í Bretlandi“

Stóð af sér tillögu um vantraust með góðum meirihluta

Cohen í þriggja ára fangelsi

Ætlar ekki í gegn um aðrar þingkosningar

Meira en 50 karlar keyptu vændi af fatlaðri konu

Auglýsing