Framsóknarflokkurinn hefur skipt út konu fyrir karl í undirbúningsnefnd kjörbréfanefndar Alþingis eftir að ljóst var að skipun hennar var í bága við nýsamþykkt ákvæði þingskapa Alþingis um að kynjahlutföll nefnda séu sem jöfnust.
Hafdísi Hrönn Hafsteinsdóttur, þingkonu Framsóknarflokksins, var skipt út fyrir Jóhann Friðrik Friðriksson, þingmann sama flokks. Greint er frá því á vef Vísis en þar segir Willum Þór Þórsson að það hafi verið gert vegna jafnréttissjónarmiða.
Fjallað var um málið í Fréttablaðinu fyrir helgi. Alls sitja níu í nefndinni og af níu skipuðum voru sex konur skipaðar. Eftir breytinguna eru fimm konur og fjórir karlar.
Eins og komið hefur fram er sá háttur oftast hafður á að undirbúningsnefndin sem undirbýr störf kjörbréfanefndar áður en þing er sett, er skipuð sömu fulltrúum og tilnefndir eru og hina eiginlegu kjörbréfanefnd á þingsetningardegi.
Ekki náðist í Willum Þór Þórsson, starfandi forseta þingsins, við vinnslu fréttarinnar.
