Vestfirðir

Skammtímaminni Íslendinga hræðilegt

Ekki óalgengt að tugir snjóflóða falli á veginn við Súðavíkurhlíð í óveðri líkt og var um helgina. Starfsmenn Vegagerðarinnar ítreka að ferðalangar fylgist vel með veðurspá sem geti breyst skyndilega.

Nýbúið var að ryðja veginn við Súðavíkurhlíð þegar blaðamaður Fréttablaðsins var þar á ferðinni í gærdag. Fréttablaðið/Aron Ingi

Alls féllu 33 snjóflóð á veginn við Súðavíkurhlíð um síðastliðna helgi. Ekki er óalgengt að svo mörg snjóflóð fallii á þessum slóðum við þessar aðstæður, að sögn Guðmundar Björgvinssonar, yfirverkstjóra þjónustustöðvar Vegagerðarinnar á Ísafirði. 

„Við erum vanir þessu, það snjóaði ekkert að ráði í fyrravetur þannig að fólk er fljótt að gleyma. Skammtímaminni Íslendinga varðandi veður er alveg hræðilegt. Svo tók það okkur sex og hálfan tíma að ryðja veginn og opna aftur fyrir umferð. Verklagið hefur verið óbreytt í áratugi, við lokum veginum þarna þegar það er snjóflóðahætta. “

Lokanir virtar að vettugi

Fregnir bárust af því að einhverjir hefðu virt lokanir á veginum um Súðavíkurhlíð að vettugi, sem Guðmundur segir aðeins gerast í undantekningum. 

 „Þetta er algjör undantekning að einhverjir fari þarna eftir lokun, við áttum ekki til orð. Lögreglan tók bara á móti þeim hinum megin og þeir voru gripnir á staðnum, það hafði sést til þeirra.“

Guðmundur segir veðrið vera slæmt í augnablikinu og að veðurspáin sé ekki hagstæð. 

„Það er mjög hvasst á norðvestur hluta Vestfjarða núna og spáin er slæm fyrir morgundaginn. Við hvetjum fólk til að fylgjast með aðstæðum, veðurspár breytast fljótt og fólk þarf að skoða vel áður en það leggur í hann, hvort það geti beðið aðeins til betra veðurs.“

Athugasemdir

Auglýsing
Auglýsing

Tengdar fréttir

Vestfirðir

Ósátt við að jarðstrengur verði ónýttur

Vestfirðir

Byggðaþróun á Vestfjörðum snúið við með laxeldi

Vestfirðir

Enn óvíst hvenær farið verður í umbætur

Auglýsing

Nýjast

Stórhættulegur fellibylur stefnir hratt á Mexíkó

Morðið bæði grimmilegt og þaulskipulagt

Innkalla lakkrís súkkulaði

Vilja hætta að nafn­greina saka­menn í dómum

Segir Brexit-samkomulag nánast í höfn

Senni­legt að gjald­takan hafi verið ó­lög­mæt og ó­hóf­leg

Auglýsing