Innlent

Sindr­­­i borg­­að­­i sig út úr far­bann­i og fór til Spán­­ar

​Sindri Þór Stefáns­son, sem á­kærður er í svo­kölluðu gagna­vers­máli, er laus úr far­banni gegn tryggingu. Hann er staddur á Spáni. Ákæra var gefin út málinu í júlí.

Sindri Þór Stefánsson er ákærður í svokölluðu gagnaversmáli. Mynd/Instagram

Sindri Þór Stefáns­son, sem á­kærður er í svo­kölluðu gagna­vers­máli, er laus úr far­banni gegn tryggingu. Það stað­festir Alda Hrönn Jóhanns­dóttir, hjá lög­reglunni á Suður­nesjum, í sam­tali við Frétta­blaðið. 

Gefin var út á­kæra á hendur Sindra og meintum sam­verka­mönnum hans í júlí í tengslum við stór­felldan þjófnað á 600 tölvum, að and­virði 200 milljónum króna, úr gagna­verum á Reykja­nesi í desember og janúar. 

Ekkert hefur spurst til tölvu­búnaðarins síðan þá en málið tók ó­vænta stefnu í apríl þegar Sindri Þór flúði fangelsið að Sogni til Amsterdam, með við­komu í Sví­þjóð. Deilur voru uppi um hvort Sindri væri í raun í gæslu­varð­haldi á þeim tíma, en úr­skurður þess efnis var ekki í gildi þar sem varð­haldið hafði runnið út. 

Jón Steinar Gunnlaugsson fyrrverandi hæsta­réttar­dómari var til að mynda þeirrar skoðunar að Sindri hefði verið frjáls ferða sinna.

Með fjölskyldunni á Spáni

Sindri, á­samt tveimur öðrum sem á­kærðir eru í málinu, var síðan úr­skurðaður í átta vikna far­bann í lok ágúst en gildi þess átti að vera til 26. októ­ber næst­komandi. Sindri greiddi hins vegar fyrir lausn úr far­banninu gegn tryggingu en hann er sam­kvæmt heimildum Frétta­blaðsins staddur á Spáni á­samt fjöl­skyldu sinni. 

Ekki hafa fengist upp­lýsingar um upp­hæð tryggingarinnar sem Sindri greiddi fyrir, en sjald­gæft er að þeir sem úr­skurðaðir eru í far­bann greiði fyrir að losna undan því. Sam­kvæmt heimildum blaðsins getur sú lausn kostað allt frá einni milljón og upp í rúm­lega þrjár milljónir króna.

Athugasemdir

Auglýsing
Auglýsing

Tengdar fréttir

Innlent

Yfirlýsing frá Sindra: „Ég kem fljótlega“

Fréttir

Sindri í farbanni þar til dómur fellur

Dómsmál

Allir neituðu sök í gagn­vers­málinu

Auglýsing

Nýjast

Jón Gnarr og Frosti deila um opin­bera smánun

Hvetja foreldra til að sækja börn í frístund

Mikil­vægt að ganga vel frá lausum munum

May sögð ætla að fresta Brexit-at­kvæða­greiðslu

Fjöldamorðingi dæmdur fyrir 56 morð til viðbótar

Jemt­land í á­tján ára fangelsi fyrir morðið á eigin­konu sinni

Auglýsing