Innlent

Sigur­jón biðst af­­­sökunar á „kortér í Downs“

Sigur­jón Kjartans­son hefur beðist af­sökunar á því hugsunar­leysi að láta illa inn­rætta per­sónu í Ó­færð tala um fé­laga sinn sem „kortér í Downs“. Segist munu hafa á­bendingar móður barns með Downs-heil­kennið í huga í fram­tíðinni.

Sigurjón Kjartansson og Baltasar Kormákur við tökur á Ófærð 2. Aðstandendur þáttanna taka ábendingar mæðra barna með Downs-heilkennið alvarlega og biðjast afsökunar á hugsunarleysi við handritsgerðina. Fréttablaðið/Eyþór

Sigurjón Kjartansson, einn handritshöfunda Ófærðar 2, hefur beðist afsökunar á því hugsunarleysi að láta illa innrætta persónu, hræddan rasista, tala um félaga sinn sem „kortér í Downs“ í þættinum sem sjónvarpað var í gær.

Mæður barna með Downs-heilkennið vöktu athygli á þessu orðalagi í þættinum á Facebook og sögðu það meðal annars særandi og til þess fallið að viðhalda fordómum í samfélaginu.

Sjá einnig: Mæðrum barna með Downs sárnar Ófærð

Diljá Ámundadóttir Zoëga er einn þeirra og hún ávarpaði aðstandendur Ófærðar beint á Facebook-vegg sínum og sagði „niðrandi“ setninguna hafa stungið. Þá benti hún á að „orð eru svo máttug“ og ábyrgð handritshöfunda því mikil. Sigurjón hefur nú brugðist við ósk hennar um góð viðbrögð með svari við stöðuuppfærslu hennar.

„Kæra Diljá. Ég er semsagt þessi handritshöfundur sem skrifaði þessi ósmekklegu orð ofaní munn hins uppskáldaða Markúsar, sem er reiður og hræddur rasisti,“ skrifar Sigurjón og segir rétt að „það hefði mátt finna annað orðfæri til að lýsa slæmu innræti Markúsar en akkúrat þessa setningu og ég tek fulla ábyrgð á því.“

Sigurjón biðst síðan, fyrir sína hönd og annarra aðstandenda Ófærðar, afsökunar á „þessu hugsunarleysi“, og segir þau að sjálfsögðu munu hafa þessa ábendingu í huga í framtíðinni.

Athugasemdir

Auglýsing
Auglýsing

Tengdar fréttir

Innlent

Mæðrum barna með Downs sárnar Ó­­­færð

Innlent

Mis­litir sokkar í til­efni al­þjóð­lega Downs dagsins

Innlent

Með greiningu en ekki skilgreiningu

Auglýsing

Nýjast

Öldungar­deildar­þing­maðurinn Kamala Har­ris til­kynnir for­seta­fram­boð

Telja tíu af eftir sprengingu í flutninga­skipi á Svarta­hafi

Ísraelar réðust á írönsk skot­mörk í Sýr­landi

Píratar leggja fram frum­varp um nýja stjórnar­skrá

Birtir ræðuna sem ekki mátti flytja á Alþingi

Fresta ekki Brexit né halda þjóðar­at­­kvæða­­greiðslu

Auglýsing