Innlent

Stormurinn segir heilsu sína gerða að pólitísku bit­beini

Sigurður Þ. Ragnars­son, Siggi stormur, odd­viti Mið­flokksins í Hafnar­firði segir ör­fáa and­stæðinga sína hafa lagst á það lága plan að reyna að gera lítið úr veikindum sem hafa haldið honum frá kennslu í Víði­staða­skóla í vetur. „Ekkert annað en pólitískur hrá­skinna­leikur.“

Siggi stormur segir dylgjur sem geri lítið úr veikindum hans ekki svaraverðar.

Sigurður Þ. Ragnarsson, sem leiðir Miðflokkinn fyrir bæjarstjórnarkosningarnar í Hafnafirði, var frá störfum sem kennari í Víðistaðaskóla í vetur. Hann segir örfáa andstæðinga sína í Hafnarfirði reyna að gera hann tortryggilegan með því að nota gegn honum hversu virkur hann er kosningabaráttunni núna.

Fréttablaðið hefur heimildir fyrir því að kurr sé meðal starfsfólks í skólanum vegna þess hversu brattur veðurfréttamaðurinn vinsæli er í bæjarpólitíkinni og sjálfur kannast hann við einhver dylgjukennd skrif um veikindin. „Þetta eru örfáir einstaklingar sem hafa valið að tjá sig með þessum hætti og þessi skrif dæma sig sjálf,“ segir Sigurður við Fréttablaðið.

„Ég hef verið frá kennslu í vetur og er hættur að kenna. Aðalatriðið er að þetta er bara neðanbeltismálstaður og er ekki svaravert. Það er talað um að ég sé í fullu starfi til bæjastjórnarkosninga. Hvers konar vitleysa er þetta?“ spyr hann í forundran.

„Ég hef í raun ekkert um þessa að segja. Þetta er lágkúruleg framkoma og þetta á ekki við rök að styðjast eins og þetta er sett fram. Og ég er ekki búinn að vera í kosningabaráttu til sveitastjórnar í heilt ár eins og ýjað er að.“

Óvinir Miðflokksins á ferðinni

„Það er verið að gera lítið úr og draga í efa að ég hafi veikst í baki í haust. Mér finnst þetta svo mikil lágkúra að ég á ekki orð,“ segir Sigurður og að aðeins sé um pólitískan hráskinnaleik að ræða.

„Þetta er fólk sem ég átti stundum í rimmu við varðandi Sigmund Davíð. Þetta er fólk sem er á móti flokknum. Við vinnum ekki svona og ég myndi aldrei vinna svona gagnvart nokkrum manni.“

Stormurinn segir þetta alls ekki lýsandi fyrir kosningabaráttuna í Hafnarfirði. Þvert á móti. „Nei, ég vil ekki meina að pólitíkin í Hafnarfirði sé svona. Þetta er einstaka fólk sem hefur ákveðið að koma á mig einhverju höggi með því að gera lítið úr veikindum mínum og þetta dæmir sig fullkomlega sjálft.“

Situr ekki með hendur í skauti

Sigurður segist hafa staðið rétt að öllum formsatriðum í kringum veikindaleyfi sitt og hafi meðal annars verið í góðu samráði við trúnaðarlækni Hafnarfjarðarbæjar.

„Ég réði ekki við það að ég veiktist í haust. Ég get alveg staðfest það og skilaði öllum gögnum til trúnaðarlæknisins.“

Sigurður segist vera í læknismeðferð sem er að bera árangur og að einhvern veginn verði hann að lifa lífinu miðað við aðstæður.

„Ég sit samt ekkert með hendur í skauti frá morgni til kvölds og horfi út í sortann. Ég er virkur samfélagsborgari hérna og er að reyna að geta mitt besta.

Mér finnst dapurlegt að þegar maður missir heilsuna tímabundið, eins og gerðist þarna, að reynt sé að gera það að einhverju pólitísku bitbeini.“

Athugasemdir

Auglýsing
Auglýsing

Tengdar fréttir

Stjórnmál

Siggi stormur segir fastari jörð í pólitíkinni en veðrinu

Innlent

Mið­­flokkurinn flaggar fyrir Icesa­ve-sigri

Innlent

57 milljónum varið í fjölgun heimilis­lækna

Auglýsing

Nýjast

Sögð hafa fengið 23 milljónir fyrir að teikna braggann

„Allt gert til að verj­a verð­l­agn­ing­u ferð­a­m­ann­a­­­stað­a“

Leggur fram lög­banns­beiðni á Tekjur.is

Aldrei meiri olíunotkun

Guð­­mundur Andri: Kristinn lektor er ekki stikk­­frí

Trúir því loksins að jörðin sé að hlýna

Auglýsing