Að minnsta kosti sex mótmælendur létu lífið í óeirðum í Perú í gær. Stjórnvöld hafa lýst yfir neyðarástandi í kjölfar mikilla mótmæla sem komu eftir að Pedro Castillo, fyrrum forseti landsins, var handtekinn.
Fjórir létust í borginni Ayacucho í suðurhluta Perú þegar mótmælendur ruddu sér leið inn á flugvöll borgarinnar og voru skotnir af hersveitarmönnum. Tveir létust síðar í La Libertad í norðurhluta landsins.
Tala látinna í Perú er nú komin upp í fjórtán eftir að mótmæli hófust fyrir viku síðan. Íbúar hafa kallað eftir því að nýi forseti Perú, Dina Boluarte, segi af sér og að Pedro Castillo verði komið aftur fyrir á valdastól.
Í kringum 800 ferðamenn eru einnig strandaglópar við vinsæla ferðamannastaðinn Machu Picchu, en eina leiðin inn og út af svæðinu er með lest sem hefur verið skemmd af mótmælendum. Ferðamenn eru nú sagðir bíða við rætur fjallsins án birgða og hafa embættismenn beðið um þyrlur til að aðstoða fyrir að flytja ferðamenn út af svæðinu.
